قصة رجل تائه

ظل يحكى بحنين , عن سماه :

بصى , كنا فى تانيه كليه , و هى كانت شاطره قوى , كنت حاسس ان مفيش حاجه تجمع بينا , بس كنا بنفضل نحكى و نحكى و كنت برتاح لها و هى كمان

عارفه , انا فاكر يوم ما قولت لها كل حاجه , كنا فى الربيع , فى شهر ابريل , اليوم الفلانى . و هى ردت على بكل بساطه انها عارفه و ان هى كمان بتحبنى , ما كنتش مصدق , كنت دايما بحس ان المذاكره وخداها منى بس مكنتش اقدر اعترض , لأنى حبيتها و هى كده

بعد ما اتخرجنا , حسيت انها ملكى , خلاص مفيش حاجه تاخدها منى ,

فى يوم لقيتها بتقول لى , انا فلان متقدم لى.

قلت لها و ماله , و عايزه منى ايه ؟

ردت علي انها بتشاونى , ايه رأيى . قلتها كويس , طيب هو لسه فى الكليه و انت اتخرجت , هاتفضلى مستانياه لحد ما يتخرج و يدخل الجيش و بعدين يشوف وظيفه ؟؟ انت كده ها تستنى كتيير

اه , لم تسعفنى ذاكرتى لأتذكر ما القيت عليه من اسئله . ليكن , المهم ان صدى ما قال مازال يتردد فى ذهنى

ساعدتها على قد ما اقدر , هى استشارتنى و انا مقدرش اتأخر,

عارفه , انا فاكر انى فضلت ايام كتييييييييره قوى ادور لها على اسم خاص بى انا اسم يعبر عن ما تعنى بالنسبه لى , فهى محيطى و هى كل ما يحيط بى

ظل يحكى و يحكى , كيف لم ينساها ابدا , كيف كان يحرص على ان يسمع صوتها من أن لأخر , يحرص على ان تكون اول من يعلم اى خبر سعيد خاص به , كل هذا رغم انه تزوج و انجب ايضا , لكن هذا كله لم يمنعه من ان تظل هى محيط قلبه و مشاعره

مرت الايام و السنوات لأجده يحكى لى من جديد ,

يحكى عن حبه الجديد , عن غرامه و عشقه لأمرأه اخرى .

سمعته و ظل برأسى سؤال عالق , سألته اياه , " ماذا عن حبك الاول و الاخير الذى كنت تحكى عنه ؟؟ ماذا عن محيطك ؟؟ "

اجابنى بأنه يكن لها المعزه , رغم انه يعلم انها عندما كانت تسأل عنه كانت تفعل هذا لتبرهن لنفسها انها مازالت حب و امل شخص اخر

اى كانت تقوم بالسؤال عنه لتؤكد لنفسها انها مازالت مرغوبه من قلب اخر .

كان هذا من اعنف المبررات التى سمعتها , فقط لتحول قلبه عنها برر سؤالها بأنه ليخدم اهوائها و ليس فقط تأكيد لمعرفه عزيزه على القلب و ذكرى غاليه بالفؤاد

من جديد مرت الايام لأسمع حكايا عن عشقه الجديد , حكايا لست ارغب بتذكرها , لكنها بالنسبه لى تلخص هذا الرجل فى انه رجل تائه

يبحث عن ذاته و محيطه و يحاول ان يبنى من الكون ما يظن انه يسعده , رغم انه لو تعمق فى حياته القائمه سيجد ان هناك من اضاع عمره كله ليجد ما عنده من امان و دفء و حياه

امان و دفء الاسره و الحيوات التى يبعثها الاطفال فى محيط الاسره